Amasa-Villabonan 2022-09-12

Txapelketa Nagusiaren aurkezpen ekitaldia ostegunean

Txapelketa Nagusiko aurkezpen soziala ostegunean egingo da Amasa-Villabonan, Bertsozale Elkarteko egoitzaren atarian, 19:00etan. Txapelketa hasi aurrean egiten den festa giroko ekitaldia izaten da, irekia, eta txapelketan kantatuko duten bertsolariek zein beste alorretako parte hartzaileak ere bertan izango dira: gai-jartzaile, epaile, teknikari, antolatzaile... Bertsozaleek bertatik bertara jarraitzeko aukera izango dute dena eta horretara gonbidatu ditu Bertsozale Elkarteak.

Hilaren 24an Getxon
Bertsolari Txapelketa Nagusia hilaren 24an abiatuko da Getxon. Lehenengo saioan honako sei bertsolariok ariko dira kantuan Muxikebarri Zentroan, 17:00etan hasita.

•    Agin Laburu Rezola
•    Eneko Lazkoz Martinez
•    Nerea Elustondo Plazaola
•    Oihana Bartra Arenas
•    Peru Abarrategi Sarrionandia
•    Unai Mendizabal Jauregi