Udako bertso agenda 2022-09-14

Santakrutzetako bertsoak bihar Lezon, bazkalostean eta iluntzean

Lezoko jaietan aurten ere egun osoko bertso jarduna izango da, lau bertsolarirekin Oihana Iguaran, Andoni Egaña, Sebastian Lizaso eta Nerea Ibarzabal, Amaia Agirrek gaiak jarrita. Tradizio handiko saioa da eta aldaera desberdinak izan baditu ere azken urteetan formatu beretsua izan da. Bertso bazkaria lehenbizi herriko bi elkarteetan eta jaialdia arratsaldean plazan.

Bertso bazkarian, Sebastian Lizaso eta Andoni Egaña finkoak izaten dira Ixkulin elkarte, joan deneko 25 urtetik gora. Tiñelun elkartean izaten da beste saioa. Aurten, Nerea Ibarzabal eta Oihana Iguaran ariko dira.

Iluntzeko saioa 20:00etan da eta jende aldetik harrera beroa izaten du.