Bertsolari Txapelketa Nagusia 2022-09-24

Alaia Martin irabazle Getxon

Alaia Martin gailendu da Txapelketa Nagusiko lehenbiziko saioan, Getxon. Oiartzungo bertsolariak 738,00 puntu eskuratu ditu eta finalaurreko fasean kantatzeko txartela lortu du. Martinekin batean, Oihana Bartra, Unai Mendizabal, Nerea Elustondo, Peru Abarrategi eta Agin Laburu aritu dira kantuan, Getxoko Muxikebarri aretoa lepo beteta zela. Saioko hamabost bertso puntuagarriak kantatuta, honela gelditu da Getxoko saioko sailkapena:

Imanol Artola Felix aritu da aurkezle lanetan eta honako zazpi epaile hauek aritu dira saioa epaitzen: Egoitz Iradier Martinez de Albeniz, Eneko Bidegain Aire, Jurgi Fuentes Goikoetxea, Karlos Ibarguren Olalde, Leire Beloki Lizarralde, Miriam Juaristi Urizar eta Saioa Mitxelena Irazoki.

Bertsoak bihar sareko plazan
Getxoko betsoaldi onenak bihar sarean izango dira Bertsoa.eus-en. Astean zehar bertsolarien erreakzioak jasoko ditugu eta Ganbaran bai Aitor Sarriegiren bertsogintza iruzkina izango dugu.