Alaia Martin - Elkarrizketa 2022-09-27

«Txapelketan ilusioz eta lanerako gogoz nago»

Patuaren aukerak amortizatzen eta bilatzen zailak diren hitzak ehizatzen aritu zen Alaia Martin (Oiartzun, 1987) Getxon, Txapelketa Nagusiaren estreinaldian, agurrean kantatu zuenez. Txanda aldatu eta Eneko Lazkozez ordez kantatzea egokitu zitzaion oiartzuarrari eta kontzentrazioari eusten jarri zituen indarrak Martinek, lanean. Irabazi eta 738 puntu lortu zituen. Txapelketak ilusioz eta lanerako gogoz harrapatu du Alaia, Bertsoa.eus-i adierazi dionez.

Bertsogintza aldetik Txapelketa honetan dituen egarrien artean, alde teknikoan sakondu eta, era berean, kate tekniko horretatik harago joateko egarria azpimarratu du, besteak beste. Elkarrizketa honetan, Getxoko saioan izan zituen sentsazioak ekarri eta ariketen errepasoa egin digu Martinek. Horrez gain, txapelketako helburuak, non eta nola ari den prestatzen eta finalaurrekorako begirada utzi dizkigu.