Joanes Illarregi - Elkarrizketa 2022-09-28

«Egindako lana bertsotan erakusteko gogoz nago»

Joanes Illarregik hasiera bikaina eman dio bere lehen Txapelketa Nagusiari, Arrasate kanporaketa irabazita. Oholtzan kontzentratuta baina nahiko lanekin sentitu zela dio eta zortziko txikitik aurrera hasi zela erosoago bertsotan. Ganbarako lanarekin gelditu zen asebeteen. Lana egin da harrapatu du Illarregi anaietan zaharrena txapelketak eta helburu konkretuak baino egindako lana bertsotan erakustea nahi luke, aitortu baitu txapelketetan gehienetan ez duela asmatzen bertso-eskolako jarduna islatzerik. Leitzako bertso-eskolan biltzen da ohiko martxan, baina Hernani eta Astigarraga aldera ere egin ditu prestaketa txangoak. Finalaurrekoei begira, bere burua lasai ikusten du.