Nerea Ibarzabal - elkarrizketa 2022-10-03

«Arriskatzeko aske sentitu nahi nuke eta txapelketa bera plazara gerturatzeko gogoa dut»

Nerea Ibarzabal Salegi gustura gelditu zen Gotaine-Irabarnen egindako lanarekin eta bertsotarako aldartearekin. Kanporaketa irabazi eta 738 puntu eskuratu zituen larunbateko saioan. Berritasunari adi egoteko deia egin agurrean eta lehen ofizioa bete-betekoa egin izanak hauspoa eman zion saioari ondo eusteko. Txapelketak berekin dituen estuasun eta beldurren barruan, nahiko eroso sentitu zuen bere burua bertsotan, eta aitortu du publikoaren harrera beroak ere asko lagundu ziola horretan. Ariketa bat hautatzekotan, Iguaran eta biek zortziko handian egin zutenarekin gelditzen da.

Bere bigarren Txapelketa Nagusia gogotsu eta ilusioz hartu du Hernanin bizi den bertsolari markina-xemeindarrak, eta presiopean barik arriskatzeko askatasunean kokatu nahi du bere burua bertsotarako. Irunen du hurrengo finalaurreko hitzordua, azaroaren 5ean. Oraingoz, Sustrai Colina izango du kantulagun. Finalerdietako helburuez galdetuta, zuhurtzia nagusi. Entzun Ibarzabalek Bertoa.eus-i eskainitako elkarrizketa.