igandero 15:00etan ETB1en 2022-10-21

Hitzetik Hortzera zapatadun oinetan

Idoia Torregarai eta Eider Perez Komunean  atalean izango ditugu saioaren inguruan hitz egiteko. Gainera, iritzia emango duten bertsolariak ere izango ditugu txapelketak iraun bitartean.

Harri Arrijuria, zapatagilea

Diseinu grafikoan zein argazkilari moduan lan egin ondoren zapatagile izateko apustua  egin zuen gure aste honetako protagonistak. Duela hamar urte ireki zuen Elizondon bere tailerra eta ordu ezkero bertan dabil oinetakoei bigarren bizitza bat ematen. Bere ofizioaren hastapenez eta ikas prozesuaz ere hitz egingo digu. Harrik dio oinetako batek asko esaten duela pertsonaz, inoiz egin dituen eskaera bitxienak ere kontatuko dizkigu.

Elizondoko bertsoaldi onenak

Igandeko programan bezperako saioko bertsoaldi onenen aukeraketa ikusteko aukera izango da. Larunbatean jokatuko den saioan honako bertsolari hauek hartuko dute parte: Agin Laburu, Alaia Martin, Iñaki Apalategi, Joanes Illarregi, Onintza Enbeita eta Unai Agirre. Gai jartzaile lanetan berriz, Amaia Castorene Luro arituko da.