Txapelketa Nagusia 2022-10-22

Alaia Martin irabazle lehen finalaurrekoan 729,5 punturekin

Alaia Martinek irabazi du lehenengo finalaurrekoa Elizondon, 729,5 punturekin. Bigarren itzulira sailkatzeko zuzeneko txartela eskuratu du eta finalerako pauso handia eman. Baztan pilotalekuan, Unai Agirre, Alaia Martin, Onintza Enbeita, Joanes Illarregi, Agin Laburu eta Iñaki Apalategi aritu dira bertsotan, Amaia Castorenek gaiak jarrita, frontoia lepo zela. Hamabosna bertso puntuagarri kantatuta, honela gelditu da sailkapena:

Alaia Martin        729,5
Joanes Illarregi   711
Agin Laburu        677
Unai Agirre         652,5
Onintza Enbeita  639,5
Iñaki Apalategi   623

Fase honetan ere zazpi epaile berak ariko dira: Ainhoa Arregi Elosua, Bakarne Urreaga Etxeberria, Ekaitz Elorriaga Anduaga, Eneritz Azkue Basurko, Joseba Beltza Bengoetxea, Joseba Santxo Uriarte eta Maialen Berra Zubieta arituko dira.

Bigarren finalaurrekoa Donibane Garazin izango da, urriaren 29an.

Elizondoko bertsoaldiak biharko sareko plazan izango dira.