Finala - Garraioa 2022-11-30

Finalera autobusez joateko gomendatu du Bertsozale Elkarteak

Abenduaren 6ra arte egongo da finalerako autobuseko txartelak erosteko aukera www.bertsosarrerak.eus atarian.

Bertsozale Elkarteak Txapelketa Nagusiko finalera autobusez joateko gomendioa egin du eta horretarako autobus zerbitzu zabala eskaini du, Aizpurua Autobusak taldearekin lankidetzan. 15 euro balio du autobus txartelak, edozein tokitatik abiatzen dela ere. Autobusak 9:00-10:00 tartean iristea aurreikusten da. Abenduaren 6 arte egongo da txartelak erosteko aukera eta www.bertsosarrerak.eus atarian hartu daitezke.

Abenduaren 12an jakinaraziko du antolakuntza autobus bakoitzaren ibilbidea eta ordutegia, www.bertsozale.eus atarian eta txartela erosi duen bakoitzak posta elektronikoan jasoko duzuen mezuan.

Garraio publikoa ere aukeran
Iruñerritik doazenentzat, autobus zerbitzu publikoko 1, 6, 9, 11 eta 16 lineek konektatzen dute Nafarroa Arena (edo inguruak) hiriko erdigunearekin zein beste auzoekin. Ordutegiak eta prezioak www.infotuc.es atarian topa daitezke.

Autoak
Planoan agertzen diren aparkalekuez gain, besterik balego, www.bertsozale.eus webgunean argitaratuko litzateke.

Finalean aintzat hartzeko oharrak
Antolakuntzak finalean aintzat hartu beharreko hainbat ohar eman ditu: nola iritsi, parking kontuak, Nafarroa Arenara zer sartu daitekeen eta zer ez, otordu kontuak, kontsignak, informazio puntuak... Horiek guztiak aldez aurretik ezagutzea komeni da eguna denentzat errezagoa izan dedin. Lotura honetan daude jakin beharreko argibideak.

Albiste gehiago

Aitor Bizkarra Ruiz - Bertsolari Bertsozale Podkasta 2023-02-03

«Oso zalea naiz mahai-inguruan kantatzearena»

Bertso Eguna - Libreko bertso bakaria 2023-02-02

Unai Iturriaga eta Jexux Mari Irazu librean Bertso Egunean

Bertso Eguna - Libreko bertso bakaria 2023-02-02

Jone Uria eta Sustrai Colina, denboraren tunelean