Txapelketa Nagusia 2022-12-03

Lujanbio, Martin, Mendiluze, Colina, Gaztelumendi, Arzallus, Ibarzabal eta Illarregi finalera

Amets Arzallusek irabazi du Bilbon azken finalaurrekoa eta erabakita gelditu da Iruñeko final handian kantatuko duen zortzikotea: Maialen Lujanbio, Alaia Martin, Aitor Mendiluze, Sustrai Colina, Beñat Gaztelumendi, Amets Arzallus, Nerea Ibarzabal eta Joanes Illarregi. Lehenengoz hiru emakumezko bertsolari Txapelketa Nagusiko final batean. Beste berritasun bat: bertsolaritza garaikidean, lehenengoz bertsolari nafar bat finalean. Bederatzigarren Julio Soto gelditu da eta Aitor Bizkarra hamargarren.

Bilbon, azken finalaurrekoan, honako sei bertsolariak aritu dira kantuan, zozketak erabakitako hurrenkeran: Aitor Mendiluze, Amets Arzallus, Maddalen Arzallus,  Jone Uria, Joanes Illarregi eta Saioa Alkaiza, Idoia Anzorandiak aurkeztuta. 3.600 bertsozale bildu dira Bilboko Bizkaia frontoian azken finalaurrekoan bertatik jarraitzeko.

Sailkapena
-Amets Arzallus         662
-Aitor Mendiluze        661
-Jone Uria                 637,5
-Joanes Illarregi        621
-Maddalen Arzallus    609,5
-Saioa Alkaiza           608,5

Bertsoak eta bertsolariek hitzak bihar sareko plazan
Bilboko finalaurreko bertsoaldiak eta bertsolarien saio ondorengo balorazioa igandean Bertsoa.eus-en.

Finalaurrekoetako sailkapena