Beñat Gaztelumendi Arandia - Elkarrizketa 2022-12-07

«Finalera hortzak zorroztuta eta amorru puntu batekin joango naiz»

Beñat Gaztelumendi Arandiak poz handia sentitu zuen bere hirugarren finalerako sailkatu zela jakitean. Hirugarrena, baina, «lehena balitz bezala» hartu zuen ia, munduan eta bertsoan izan den «etena» medio. Finalisten zerrendan bere izena esatean sentitu zuena azaltzeko eskatu diogu eta finala nola planteatuko duen.

Finalera hortzak zorroztuta eta amorru puntu batekin joango da añorgarra. Sentipena du aurreko finalean ez zuela asmatu bererik ematen, ez behintzat berak nahiko lukeen eran eta hori izango du aurtengo helburua. Finalaurrekoetan egindako lanarekin gustura gelditu da. Era berean, uste du bete-beteko saiorik egitea ez duela lortu eta bere saiorik onena finalean egitea nahiko luke.