Martin Aramendi Arana- epaile taldeko ordezkaria 2022-12-12

«Zigortzea baino ekarpena saritzea zailagoa da baina ari gara horri buelta ematen»

2022/BTN22/elkarrizketak/20221212martinaramendi_elk.mp3.mp4

Martin Aramendi Arana (Ataun, 1970) 25 urteko eskarmentua duen epailea da eta badaki Txapelketa Nagusiko finalean epaile aritzea zer den. Aurtengoan, epaitzen ez, epaile taldeko ordezkari lanetan dihardu eta zeregin horretan ariko da Nafarroa Arenan ere. Berak azaldu dizkigu Bertsoa.eus-en epailetza lanaren gakoak.

Epaileek bat-bateko bertsoak epaitzeko epai irizpideak dituzte beren lanaren oinarri. Irizpideak publikoak dira eta Txapelketa Nagusiko webgunean daude argitaratuta. Finalean 9 epaile izango dira aurtengoan, aurreko ediziotan baino bi gehiago.

Irizpideotan bertsoa ulertzeko zenbait kontsiderazio orokor zehazten dira sarreran, bertsoa komunikazio ekintza kontsideratuta. Oinarri horren gainean, alderdi teknikoak eta edukia aletzen dira. Gaia, hizkera, neurria, errima eta oinak, doinua, testua, baliabide paratestualak eta denbora.

Aramendiren esanetan, alderdi teknikoa epaitzea da errazena eta edukia zailena. Eta ariketa konplikatuena, irizpide guztiak kontuan izanda, bertso bat zenbaki batera ekartzea.

Epaile taldeko ordezkariaren ustez, esperientziak erakusten du epaileentzat errazagoa gertatzen dela zigortzea saritzea baino, eta hor ikusten du «ikasgaia» Aramendik, horri buelta ematen hasita daudela aitortu arren.

Finaletan, milaka lagunen presentzian epaitzen ere ikasi egiten dela dio epaile beteranoak eta uste du publikoaren erreakzioak ez duela epailearen lana baldintzatzen.

Albiste gehiago

Mirari Martiarenak elkarrizketatuta 2024-02-26

Miren Izagirre musikologoa bertso doinutegiaz

Oier Suarez Hernando - Bertsolari Bertsozale podkasta 2024-02-23

«Niretzat bertso eskolak balio izan zuen euskararako zubi lana egiteko»

Larunbat gauean 21:00etan ETB1en 2024-02-22

Hitzetik Hortzera doinutegian murgildurik

Bertsoa oinarri duen ikuskizun berria 2024-02-21

Itzal(iko) bagina: Zeharkatu gaituena performatzen

Larunbat gauean 21:00etan ETB1en 2024-02-15

Libertimendua Hitzetik Hortzeran