Bertsolari Txapelketa Nagusia - finala 2022-12-18

Maialen Lujanbio txapeldun hirugarrenez, zazpigarren finalean

Maialen Lujanbiok irabazi du 2022ko Bertsolari Txapelketa Nagusia 2.440 puntu eskuratuta eta Iñaki Muruaren eskutik jaso du txapela. Hirugarren txapela du Lujanbiok (2009, 2017 eta 2022) eta Uztapideren marka berdindu du txapel kopuruan. Txapeldunaldia luzeagoa da ordea Lujanbiorena. Amets Arzallusekin jokatu du buruz burukoa hernaniarrak. Egun osoan aritu zen goia joz edo eutsiz, bakarka zein ofiziotan. 

Amets Arzallus izan da txapeldunordea eta txapeletik gertu amaitu du Donibane Garazin hasi zuen bidea. 13.000 lagunek bete dute Iruñean Nafarroa Arenan eta beste milaka lagunek jarraitu dute egun osoko ekitaldia telebistaz eta beste hainbat medioren bidez. Egun osoko lan puntuagarriak eginda hona hemen sailkapena: