Txapelketa Nagusia 2023-01-09

Hernaniko Udalaren omenaldia finalistei eta parte hartzaileei

Maialen Lujanbiok, Aitor Mendiluzek, Nerea Ibarzabalek eta Beñat Gaztelumendik Hernaniko Udalaren omenaldia jaso zuten Txapelketa Nagusian egindako lanagatik. Hernaniko bertso-eskolakoak edo bertso eskolarekin lotura dutenak laurak. Txapelketan bertsotan zein beste arduretan parte hartu duten gainerako hernaniar eta ingurukoak ere omendu zituen Udalak. Oier Iurramendi Txapelketa Nagusiko koordinatzaile hernaniarra izan zen oholtzan guztien izenean. Herriko plaza nagusian egin zen ekitaldia, Xabier Lertxundi Hernaniko alkatea buru zela. Plaza bete jende elkartu zen esker oneko ekitaldian.



(Argazkiak: Hernaniko Kronika)