Larunbat eguerdian, 12:00etan, Basteron 2023-01-10
Bertsoderbiak ikusmin handia sortu du aurten ere. Realaren eta Athletic-en arteko partiduaren egunean egiten den berto saio honek bide luzea egin du eta 19. edizio honetan ere bertso jaialdietako bataz besteko entzule kopuruaren goiko langan jarri da, igande eguerdi batean Andoaingo Bastero auditorioa beteta. Bertsosarrerak.eus bidez banatu dira gonbidapenak eta dagoeneko denak agortuta daude. Egunean bertan takillan jarriko dira beste 30 gonbidapen. 500 entzule bilduko dira denera.
Bertsolariak bi taldeta kantatu ohi dute, Realeko hiru eta Athletic-eko beste hiru, gero, ohiko saiotik gehiago izaten badu ere. Aitor Mendiluze, Amets Arzallus, Alaia Martin ariko dira Realzale gisa. Sustrai Colina, Jone Uria eta Aitor Etxeberriazarraga Atheltic-eko gisa. Gai-jartzailea ere Ralekoa, Andoni Egaña.
Andoaingo Euskalduna Kirol Elkarteak 100 urte bete ditu aurten eta urteurren horren ospakizun gisa egingo da aurtengo edizioa Andoainen.
Denbora gutxian futbola eta bertsoa uztartzen diren bigarren aldia da. Finalaren ondorengo astean, Erreala eta Osasunaren arteko derbia jokatu zen Anoetan. Hantxe izan ziren zortzi finalistak. Maialen Lujanbiok eta Joanes Illarregik kantatu zuten bertso bana zelai erditik eta txapeldunak atera zuen ohorezko sakea.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15