Bertso Agenda 2023-01-12

15 bertso ekitalditik gora asteburuan

Urteroko jaialdiak, gazte sariketak, Ihauterietako saioak, sagardotegietako txotx irekierak, elkartasun saioak, emanaldi bereziak... urtarrileko hirugarren asteburuak bertsoaz gozatzeko agenda anitza dakar. Getarian eta Mungian izan ohi dira San Antonetako urteroko jaialdiak. Igandean izango dira biak, egurdian Mungian, arratsaldean Getarian.

Bertsuxurla binakako gazte sariketa izango da Lekornen ostiralean. Hendaian Haizea dator... ekimeneko hitzordua gaztetxean eta Harrera Taldearen aldeko jaialdia Gaztelu aretoan.

Bertsoderbiak Andoainen utziko ditu bertso jokaldiak igandean, aretoa beteta.



Ihauteriak ere hastera doaz zenbait herritan eta Erasunen bertsotan ospatuko dituzte. Txox denboraldiko irekierak ere izango dira asteburu honetan zenbait sagardotegitan. eRRe eta Amaraun emanaldi bereziek Muxikan eta Hernanin izango dute hitzordua asteburuan. Hamabost bertso ekitalditik gora. Hemen agenda osoa.