14. edizioa aurten 2023-01-23

Leidor beteta Atariako saioan

Leidor beteta Atariako saioan
2010an jarri zen abian jaidlia, Tolosaldeko Txolarre Irratiaren eskutik eta azken 10 urtetoan Tolosaldeko Atariak, Harituz bertso eskolak eta Galtzaindi Euskara Elkarteak antolatzen dute.

Urtarrileko bertso hitzordu jendetsuenetako bat izaten da Tolosaldeko Atariako Jaialdia joan den 14 urteotan eta aurten ere ez da zirrikiturik gelditu Leidor Antzokia eserlekuetan. Alaia Martin, Amets Arzallus, Nerea Ibarzabal, Jexux Mari Irazu, Sustrai Colina eta Oihana Iguaran aritu ziren bertsotan, Amaia Agirrek gaiak jarrita. Sarrerak agortuta, 850 bertsozalek bero eutsi zioten saioari hasieratik amaierara. Bertsoa.eus ere han izan zen eta datorren astean izango da sarean hautaketa zabala.



14 urte Leidor betetzen
Atariako Jaialdia 2010an sortu zen, Tolosaldeko Txolarre Irratiaren eskutik, irratiaren aldeko ekimen gisa. Antzokia bete egin zen eta saio ederra atera. Geroztik ikusmin handia sortu izan du jaialdiak beti sarrerak agortu egin izan dira.



Txolarre Irratia Tolosaldeko Ataria eskualdeko komunikazio proiektuan bildu zen gerora eta azken 10 edizioak Atariako Jaialdi gisa antolatu izan dira, Harituz bertso eskola eta Galtzaundirekin elkarlanean. Hamalau ediziotan Amaia Agirre aritu izan da gai-jartze lanetan, gai-jartzeko formatu ezberdinak, eskualdeko protagonistak eta gaiak presentzia handia izaten dute.

Pandemia garaiko bi urteetan ere eutsi zioten antolatzaileek, aforo murriztuarekin, eta aurten etorri da bere ohiko formatura.

Albiste gehiago

Aitor Bizkarra Ruiz - Bertsolari Bertsozale Podkasta 2023-02-03

«Oso zalea naiz mahai-inguruan kantatzearena»

Bertso Eguna - Libreko bertso bakaria 2023-02-02

Unai Iturriaga eta Jexux Mari Irazu librean Bertso Egunean

Bertso Eguna - Libreko bertso bakaria 2023-02-02

Jone Uria eta Sustrai Colina, denboraren tunelean