Hirugarren edizioa 2023-01-25

Gernika-Lumon abiatuko da 'Plazara' Bizkaiko bertsolari gazteen zirkuitua

Gernika-Lumon abiatuko da 'Plazara' Bizkaiko bertsolari gazteen zirkuitua
Bizkaiko Bertsozale Elkartearen eskutik dator ekimena eta helburu nagusi bi ditu: bertsolari gazteen plazaratzean eragitea eta beraien arteko saretzea eta talde izaera indartzea. Parte hartzaileak eurak izango dira antolatzaileak.

Bizkaiko bertsolari gazteen plazaratzea bultzatzeko Plazara ekimena bariku honetan abiatuko da Gernika-Lumon, Bizkaiko Bertsozale Elkartearen eskutik. Hirugarren edizioa da aurtengoa eta urtarriletik maiatzera bitartekoa izango da, hilabetean saio bat eginez, Bizkaia osoan barrena.

Plazaratzen lagundu eta saretu
Helburu nagusi bi ditu ekimenak, alde batetik, bertsolari gazteen plazaratzean eragitea da eta, bestetik, beraien arteko saretzea eta talde izaera indartzea. Parte hartzaileak eurak izango dira antolatzaileak, gainera, Bizkaiko Bertsozale Elkarteak adierazi duenez.

Araitz Katarain, Beñat Bilbao, Maite Sarasola eta Enare Muniategi
Ostiralean, urtarrilaren 27an, Gernika-Lumonko Arrano tabernan izango da saioa. 18:30etan hasita: bertsolariak Araitz Katarain, Beñat Bilbao, Maite Sarasola eta Enare Muniategi izango dira, eta gai-jartzaile lanetan Aitor Etxebarriazarraga arituko da.




Otsailean, Iurretan
Hilean behingo maiztasunari eutsiz, otsailaren 10ean izango da bigarren saioa, Iurretako Abadetxean, 19:30ean. Iruri Altzerreka, Unai Foruria, Iker Garitagoitia, Irune Basagoiti eta Peru Irastorza izango dira bertsolariak eta Ander Elorriaga arituko da gai-jartzaile beharretan.

Albiste gehiago

Aitor Bizkarra Ruiz - Bertsolari Bertsozale Podkasta 2023-02-03

«Oso zalea naiz mahai-inguruan kantatzearena»

Bertso Eguna - Libreko bertso bakaria 2023-02-02

Unai Iturriaga eta Jexux Mari Irazu librean Bertso Egunean

Bertso Eguna - Libreko bertso bakaria 2023-02-02

Jone Uria eta Sustrai Colina, denboraren tunelean