Haira Aizpurua Ibargarai eta Eki Mateorena - Bertsuxurlako txapeldunak 2023-02-06

«Bertsuxurla esperientzia ederra izan da, errepikatzekoa»

Jexux Mari irazu

Bukatu berri da Bertsuxurla,  bertsolari gazteen binakako sariketa berria, Iparraldean jokatu dena. Haira Aizpurua Ibargarai saratarra eta Eki Mateorena leitzarra izan dira irabazleak, publikoak hala erabakita. Bi protagonistek Bertsuxurlako esperientzia kontatu dute Bertsoa.eus-en eta azpimarragarri egin zaizkien puntuak nabarmendu. Oro har, esperientzia ederra izan dela diote biek eta bertsotarako giro ederra izan dela. Sariketaren tonua nabarmendu dute, ohikoetatik apartekoa. Baita bikoteka izatea ere eta bikoteak Euskal Herriko lurralde desberdinetako bertsolariek osatuak izatea ere. Bien hitzetan, errepikatzekoa.