Apirilaren 15ean finala 2023-02-13

Osinalde Sariketa elkarteetara itzuliko da aurten

Martxoaren 18an hasiko da bertsolari gazteen Osinalde Sariketa, iaz menduerreneko ospakizunak eginda. Aurtengoaren berezitasun nagusia da sariketa osoa elkarteetara itzuliko dela, pandemiak hiru urtez moldaketak egitera behartu ondoren, saioak aretoetan jokatuz. Iaz finala Osinalde Elkartean egin zen baina kanporaketak aretoetan. 2023an, lau saioak egingo dira bere ohiko formatuan eta giroan. 

Hemezortzi bertsolari gaztek kantatutuko dute hiru kanporaketetan, Ordizian, Zaldibian eta Aztirin (Gabiria):

Argi-Berri Saria, Ordizian. Martxoaren 18an, Argi-Berri elkartean. 20:30etan.
  
    Asier Alcedo (Portugalete, Bizkaia, 1996)
    Oihana Arana (Eskoriatza, Gipuzkoa, 2001)
    Josu Ibarguren (Oiartzun, Gipuzkoa, 2000)
    Unai Mendiburu (Algorta, Bizkaia, 1998)
    Haizea Arana (Eskoriatza, Gipuzkoa, 2001)
    Lander Arizmendi (Ordizia, 1997)

Osinberde Saria, Zaldibian. Martxoaren 25ean, Osinberde elkartean. 20:30etan.
    Ekhiñe Zapiain (Bera, Nafarroa, 2002)
    Xabat Illarregi (Leitza, Nafarroa, 2001)
    Iker Ormazabal (Hernani, Gipuzkoa, 2000)
    Maddi Aiestaran (Beasain, 2001)
    Unai Izagirre (Azkoitia, Gipuzkoa, 1995)
    Bittor Altube (Abadiño, Bizkaia, 2001)

 Aztiri Saria, Gabiriako Aztiria auzoan. Apirilaren 1ean, Aztiri-Bat elkartean. 20:30etan.
    Aner Peritz (Zarautz, Gipuzkoa, 2002)
    Aroa Arrizubieta (Gasteiz, 2001)
    Irati Alcantarilla (Urruña, Lapurdi, 2001)
    Aitor Ugarte (Aramaio, Araba, 2002)
    Lurdes Ondaro (Munitibar, Bizkaia, 1997)
    Urko Arregi (Oñati, Gipuzkoa, 1999)

Ekhiñe Zapiain eta Aitor Ugarte izango dira gazteenak, 21 urterekin, eta Unai Izagirre beteranoena, 28 urterekin.

Finala Gabirian, apirilaren 15an
Kanporaketa bakoitzeko bi lehenbizikoak sailkatuko dira Gabiriako finalerako. Ohi bezala, Osinalde Elkartean jokatuko da, apirilaren 15ean, larunbatez.