Otsailaren 26tik aurrera jokatuko dira 2023-02-15

Arabako Kuadrilla arteko finalaurrekoak erabakita

Urtarrilaren 27an hasi eta 12 saio jokatu ondoren, Arabako Kuadrilla artekoaren finalaurrekoak erabakita gelditu dira, asteburuan ligaxkako azken saioak jokatuta. Bat-batean 12 taldek hartu dute parte eta sei sailkatu dira hurrengo faserako: Izena pentsau bida (Aramaio), Bertxilika (Gasteiz), Beeeeertsolariak (Lautada), Katuko muinoak (Gasteiz), Errexala (Gasteiz) eta Txandrio (Arabar Errioxa). Lau ligaxketako irabazleak eta sailkapenaren araberako beste bi pasa dira:

-Izena pentsau bida (Aramaio), A ligako irabazlea
-Bertxilika (Gasteiz), B ligako irabazlea
-Beeeeertsolariak (Lautada), D ligako irabazlea
-Katuko muinoak (Gasteiz), E ligako irabazlea
-Errexala (Gasteiz), 1.a sailkapenaren arabera
-Txandrio (Arabar Errioxa), 2.a sailkapenaren arabera

Finalaurreak, otsailaren 26tik aurrera
Astebeteko atsedenaren ondoren, berriro ekingo dio Kuadrilla artekoak eta hauexek dira finalaurreko saioak:

-Otsailak 26, igandea, Aguraingo Zabalarten
Izena pentsau bida (Aramaio) vs Bertxilika (Gasteiz)

-Martxoak 4, larunbata, Bastidako Kultur Etxean
Beeeeertsolariak (Lautada) vs Errexala (Gasteiz)

-Martxoak 12, igandea, Murgiako udaletxean
Katuko muinoak (Gasteiz) vs Txandrio (Arabar Errioxa)

Irabazleak finalera sailkatuko dira eta hiruek martxoaren 25ean jokatuko dute azken saioa.