Larunbatean eta igandean 2023-02-17

Libertimenduak Añorgan, Iruñean eta Donibane Garazin

Inauteri giroko libertimenduak egingo dira Añorgan (Donostia) eta Donibane Garazin asteburuan eta bietan bertsolariak ariko dira kantuan. Lehenbizikoa Añorgan izango da larunbatean goizeko 10:00etan hasita: Unai Gaztelumendi eta Asier Azpiroz ariko dira bertsotan.

Igandean, Donibane Garazin, 11:00etan izango da hitzordua eta Sustrai Colina eta Maddi Sarasua ariko dira kantuan.

Iruñeko Libertimenduan, Iruinkokon, Erika Lagoma eta Julio Soto ariko dira kantuan egun osoz.