Setem Hego Haizea eta Saretuz elkarteen eskutik 2023-02-22

Energiaren inguruko gogoetak eta kontraesanak bertsotan Donostian

Energiari buruzko bertso jaialdi tematikoa egin da Donostiako Añorga auzoan, Energiarekin ekin lelopean. Setem Hego Haizea Gobernuz Kanpoko Erakundeak eta Saretuz elkarteen eskutik etorri da ekimena, beren gizarte lanaren ekarpen gisa. «Energia hitzak baditu esanahi asko eta esanahi guztiek eramaten gaituzte mugitzera, eraldatzera. Horixe bera nahi dugu guk gaur, bertsoen bidez energia hitzaren gainean hausnartu eta ekitea».

Uxue Alberdi, Unai Agirre, Eli Pagola, Beñat Gaztelumendi, Eñaut Martikorena eta Alaia Martin aritu ziren kantuan Añorgako Antzoki Zaharrean, Saroi Jauregik gaiak jarrita. Energiaren inguruko hainbat gai eta egoera jarri zizkien zaldibitarrak, bai tematika horri zein azpiko jarrera eta beste egoerei kantatzeko parada emanez: pobrezia energetikoa, urruneko produktu ekologikoen gaia, energia komunitateetan emakumezko eta gizonezkoen ahotsaren pisua, besteren kotxean dabilenaren garraio publikoaren aldeko aldarria eta beste hainbat egoera.

Bertsoa.eus-en jaialdiari buruzko hautaketa zabala.