Oihane Perea, Irati Anda, Iratxe Ibarra eta Kaitin Allendek onduta 2023-03-03

'Kilimaterioa' aurkeztuko dute gaur Zizurkilen, bertsoak eta bakarrizketak

Gaur aurkeztuko dute Zizurkilen Oihane Pereak, Iratxe Ibarrak eta Irati Andak, Kaitin Allende bakarrizketalariarekin batean, ondutako Kilimaterioa emanaldia. Bakarrizketak eta bertsoak izango ditu osagai, Allendek sortutako Klimaxetik klimateriora eta buelta lana oinarri hartuta. Emanaldi bakoitzean bi ariko dira kantuan. Zizurkilen Oihane Perea eta Irati Anda ariko dira.

«Zer gertatzen da emakumearen bizitzan klimaterioan sartu eta menopausia ate joka dagoenean? Nola sentitzen gara? Alboan duguna akabatzeko moduan gaude. Suminkortasunez beteta abanikoen erreginak bilakatzen gara».

Kilimaterioak klimaxera iristeko autopista bilatzen ari denean klimaterioarekin topo egiten duen emakumearen ibilerak kontatuko ditu, bakarrizketa eta bertsoak uztartuz elkarrizketara bidea egiteko.

Hurrengo ekitaldiak
Martxoak 11. Berango. Moreaga Parkeko karpan 19:30.
Martxoak 19. Deba. Agirre Jauregia. 18:00.
Martxoak 30. Gernika. Astra. 18:30.
Apirilak 21. Donostia. Contadores. 19:00.
Maiatzak 7. Donostia. Poltsikoko Antzerkia.
Maiatzak 18. Donostia. Poltiskoko Antzerkia.