Arabako Kuadrilla artekoa - finalaurrekoak 2023-03-06

Errexela talde gasteiztarra ere finalera Arabako Kuadrilla artekoan

Arabako Kuadrilla artekoaren bigarren finalaurrekoa jokatu zen larunbatean Bastidan, Gasteizko Errexala eta Lautadako Beeeeertsolariak taldeen artean. Gasteiztarrak lortu zuten Laudion martxoaren 25ean jokatuko finalerako txartela.

Mozorrotuta eskaini zituzten bi taldeek lehen agur bereziak giroa bertakoen gozagarri, eta ondoren ekin zieten lan puntuagarriei.

Lautadako Beeeeeeertsolariak talderaren izenean Aitor Najera, Jon Ruiz de Pinedo, Beñat Cano, Oier Arbina eta Markel Yoller aritu ziren kantuan. Gasteizko Errexala taldean Felipe Zelaieta, Ainara Balantzategi, Marta De Pedis, Kerman Lopez de Lacalle, Jokin Estepa eta Asier Otamendi.

Gai jartzaile lanetan Oier Suarez aritu zen. Saioa hiru epailek baloratu dute: Egoitz Iradier Lautadako Beeeeertsolarik taldearen ordezkaria, Juan Altuna Gasteizko Errexala taldearen taldearen izenean eta Ekaitz Elorriaga Arabako Bertsozale Elkarteko epaile gisa.

Talde bakoitzaren agurra kolektiboaren ondoren, bertsolariek hainbat ariketa kolektibotan aritu behar izan zuten: binaka ofizioetan, hirunaka koplan, asmakizuna hirunaka... Entzuleen gozamenerako, umorea nagusi izan zen saio osoan zehar.

Hurrengo larunbatean, martxoak 12, jokatuko da azkeneko finalaurrekoa, Murgian, Gasteizko Katuko muinoak eta Arabar Errioxako Txandrio taldeen artean.