Gaizka Azkarate - HItzetik Hortzerako zuzendaria 2023-03-31

«Txapelketa Nagusia eta ohiko plaza jorratu ditu aurtengo denboraldiak»

Hitzetik Hortzera ETB1eko bertso programa iritsi da denboraldi amaierara eta azken programa du larunbatekoa. Irailean hasita, 27 programa izan ditu. Denboraldi erdia Txapelketa Nagusiak hartu du, oso gertuko jarraipena eginez, larunbateko saioen berri igandean emanez. Finalari buruzko programa berezia ere egin zuen Maialen Lujanbio txapeldunarekin. Urte berriarekin, Hitzetik Hortzerako ohiko formatura itzuli da programa: plazako bertsoaldiak eta gonbidatu bati elkarrizketa. Horrez gain, bertsozaleen Bertsoaldi kuttuna, agenda eta abar ere izan ditu.

33 elkarrizketatu eta 56 bertso saio
Hitzetik Hortzerak 33 gonbidaturen testigantza jaso du denboraldian zehar eta 56 bertso saioetako bertsoak ekarri ditu ETB1ko plazara. 

Eider Perezen azken programa
2018-2019 denboralditik Hitzetik Hortzerako aurkezle izan den Eider Perezek bere azkeneko programa aurkeztuko du larunbatean, bost denboraldiko bidea osatuta. Zuzendariak zorionak eta eskerrak eman dizkio egindako lanagatik.