Bost denboraldiko bidea eginda 2023-03-31

Eider Perezek Hitzetik Hortzerako azken programa aurkeztuko du bihar

Eider Perezek (Pasaia, 1995) Hitzetik Hortzerako aurkezleak bere azken programa aurkeztuko du larunbatean, 23 urterekin hasi eta bost urteko zikloari amaiera emanez. Gaizka Azkarate Hitzetik Hortzerako zuzendariak iragarri du albistea. Perez, 2018-2019 denboraldian hasi zen programako aurkezle lanetan. Jon Artanoren aldiaren ondotik, bost urtez off-eko ahotsak gidatu zuen bertso programari aurpegia jarri zion Eider Perezek 2018an.

141 programa eta beste hainbeste elkarrizketa
Eider Perez sortzaile eta aurkezle trintxerpearrak 141 Hitzetik Hortzera aurkeztu ditu eta beste horrenbeste elkarrizketa egin, bost denboraldietan zehar, bertsolaritza zein beste sorkutza mundukoak bereziki eta baita beste alorretakoak ere, Euskal Herriko geografia osoan barrena. Añorgako bertso eskolari egin zion bere lehenengo elkarrizketa eta Paul Urkijo Irati filmeko zuzendariak itxi du zerranda luze eta mardul hori.