Belaunaldi ezberdinetako 18 bertsolari mahai bueltan 2023-04-20

Mingañe Saltsan bertso-afari sariketaren bigarren edizioa ostiralean hasiko da Azkaraten

Atekaberts Leitzako bertso eskolaren eskutik Mingañe Saltsan bertso-afari sariketako bigarren edizioa hasiko da ostiralean. Hemezortzi bertsolari ariko dira kantuan eta hiru kanporaketa eta finala izango ditu. Belaunaldi eta estilo ezberdinetako bertsolariak eta plazan presentzia desberdina duten bertsolariek mahai bueltan elkarrekin kantatzea eta, era berean, bertsozaleari aniztasun hori eskaintzea da Mingañe Saltsanen filosofia. Leitza inguruan jokatuko dira kanporaketak Azkaraten, Goizuetan eta Uitzin. Leitzan bertan finala.

Azkaraten lehenengo saioa
Ostiral honetan Azkaraten jokatuko da lehenbiziko kanporaketa, bertako elkartean, 21:00etan. Kantuan, Ainhoa Agirreazaldegi, Xabat Illarregi, Aratz Igartzabal, Etxahun Lekue eta Ane Zuazubiskar ariko dira. Beteluko ostatuan eta Arribeko surtidorean daude sarrerak salgai.

Bigarren kanporaketan, Milan Telleria, Onintza Enbeita, Miel Mari Elosegi Luze, Maddi Ane Txoperena, Iñaki Zelaia eta Amaia Iturrioz ariko dira kantuan. Huitzin, apirilaren 28an, 21:00etan.



Hirugarren kanporaketan, Arrate Illaro, Ekhiñe Zapiain, Eneko Araiztegi, Agin Laburu, Maialen Akizu eta Diego Riano. Goizuetan, maiatzak 5ean, Umore ona elkartean.



Finala Leitzan izango da.