Laban, 18:30etan 2023-04-27

Nafarroako Eskolartekoa maiatzaren 5ean Iruñean

Nafarroako Eskolarteko Bertsolari Txapelketa maiatzaren 5ean jokatuko da Iruñean, Laban. 14 eta 18 urte bitarteko zazpi bertsolari gazte ariko dira kantuan Nafarroako Eskolartekoaren 37. edizioan:
Antton Ciriza Saragueta (Iruñea)
Beñat Mendiola Ruiz de Galarreta (Iruñea)
Eki Mateorena Zozaia (Leitza)
Garikoitz Agirre Soto (Zugarramurdi)
Kattin Madariaga Apaolaza (Arantza)
Loitzate Goñi Elortza (Bera)
Manex Leone Baraibar (Iruñea)

Maialen Belarrak aurkeztuko du saioa, eta Amaia Telletxea, Joseba Beltza eta Nerea Bruño izanen dira saioko epaileak.

Bi fase
Txapelketak bi fase izanen ditu. Lehenengo fasean bertsolari guztiak arituko dira eta buruz burukoa jokatuko dute gero. Lehenengo zatian honako hau da egin beharko duten lana:

    Lau oinak emanda bertso bana osatu
    Bukaera emanda bertso bana osatu.
    Hitza gaitzat hartua bertso bana osatu.
    Gai orokorra emanda, gehienez 5 puntuko bertso bana osatu.

 Buruz burukoan egin beharrekoa:

    Zortziko txikian, ofizioka, bina bertso.
    Ganbarako lana:
        Puntu bati erantzunez bertso bat.
        Gaia emanda bertso bat.

 
Nafarroako txapelduna eta txapeldunordea Euskal Herriko Eskolartekorako finalerako sailkatuko dira.