Maite Berriozabal Berrizbeitia - Bertsolari Bertsozale podkasta 2023-04-28

«Geroz eta gehiago gustatzen zaizkit saio tematikoak edo helduleku garbi bat dutenak»

Maite Berriozabal Berrizbeitia (Berriz, 1987) dugu aste honetako gonbidatua Bertsolari Bertsozale podkastean. Gai-jartzailetzan bide emankorra egin du Berriozabalek bai txapelketan eta bai plazan. Hari horri tiraka, aitortu du geroz eta gustukoagoak dituela saio tematiko edo helduleku garbikoak, ematen duten aukeragatik. Entzun Maite Berriozabalen bertsolaritza esperientzia, bere hastapenak, gustuko bertsoak, gaiak, eta baita etxetik jarraitu zuen azken Txapelketa Nagusiko bere esperienzia ere.