Finala ekainaren 3an Iurretan 2023-05-04

Eskolarteko Txapelketak bete betean maiatzean

Eskolarteko Txapelketak bete betean jokatzen ari dira maiatzean herrialde gehienetan eta ekainaren 3an jokatuko da finala Iurretan, larunbatez. Gipuzkoakoa apirilean izan zen eta gainerako herrialdeetan aste honetan edo datorrenean hasiko dira.

Nafarroan gaur arratsaldean jokatuko da finala Iruñean, Laban, 18:30etan. Araban atzo hasi zen Gasteizen eta maiatzaren 20an jokatuko da finala Aramaion. Iparraldean larunbatean jokatuko da Azkainen izango da Bertsulari Gazteen Xapelgoako kanporaketa eta maiatzaren 27an jokatuko da finala Itsasun.

Bizkaian astelehenean hasiko dira kanporaketak eta, hiru jokatu ostean, maiatzaren 27an jokatuko da finala, Gernika-Lumon.

Bertsoa.eus-ek herrialde guztietako finalak eta Euskal Herrikoa grabatu eta zabalduko ditu sarean.

Dagoeneko June Aiestaran eta Danel Etxeberria daude Euskal Herriko finalerako sailkatuta Gipuzkoatik. Gaur Nafarroako bi ordezkariak argituko dira.