finala Oñatin maiatzaren 27an 2023-05-14

Altzerreka, Arrizabalaga, Pagola, Arregi, Zaldua eta Txoperena Señorako finalistak

III. Señora Sariketak baditu finalistak, bi kanporaketak jokatuta: Iruri Altzerreka Martinez, Maddi Ane Txoperena Iribarren, Maider Arregi Markuleta, Eli Zaldua Barquin, Eli Pagola Apezetxea eta Janire Arrizabalaga Munduate.

Larunbatean jokatu zen Erratzun bigarren eta azken kanporaketa, oraingoan ere jende aldetik harrera beroarekin. Erratzun, finalera sailkatu diren hiruekin batean, kantuan izan ziren Aroa Arrizubieta Barredo, Maddi Sarasua Laskarai eta Idoia Granizo Uribarren.

Bertsoak sarean
Bertsoa.eus ere Erratzun izan zen larunbatean eta astean zehar bertso hautaketa zabala eskainiko du sareko plazak.



Finala maiatzaren 27an, 17:00etan
Bi kanporaketa jokatuta, azken saioa Oñatin izango da maiatzaren 27an, arratsaldeko 17:00etan, Berdurihall-en, Ainhoa Larretxeak aurkeztuta.

Sarrerak www.bertsosarrerak.eus ataria
Finalerako sarrerak eskuragarri daude www.bertsosarrerak.eus atarian.