Leitzan, ostiralean 2023-05-15

Mingañe Saltsan, finaleko sarrerak agortuta

II. Mingañe Saltsan bertso afari sariketako finalerako sarrerak agortu dira joan den astetik. Leitzan da hitzordua, ostiralean, Torrea tabernan 21:00etan. Ekimenak iazko arrakastari eutsi dio bigarren edizio honetan eta kanporaketetan ere jendez ongi osatu da.

Finalista berriak seiak
Iazkotik sei finalistak berriak dira aurtengo edizioan: Onintza Enbeita, Millan Telleria, Agin Laburu, Aratz Igartzabal, Eneko Araiztegi eta Etxahun Lekue. Irabazleak Leitzako jaietako blusa izango du garaikurra eta Leitzako jaietako jaialdian kantatzea sari.

Millan Telleria albizturdarra da taldeko beteranoa, Txapelketa Nagusian finalaurrekoetan kantatua eta plazan punta-puntan ibilia. Gazteena, Eneko Araiztegi Korta segurarra, 27 urterekin. Azken boladan Zaldibiako Zazpijanztean nabarmendu da bereziki, Amets Arzallus, Enbeita eta Ibarzabal kantukide zituela irabazita. Etxahun Lekuek txapelketak utzi ondorengo lehenbiziko sariketa du.

Mingaiñe Saltsan ekimenak bertso estilo eta adin desberdinen gurutzaketa bilatzen du eta baita plazan presentzia desberdina dutenen arteko bertso igurtzia ere.

Bertsoa.eus ere finalean izango da bertso hautaketa sarean zabaltzeko.