III. Señora sariketako finala larunbatean Oñatin 2023-05-26

Bertso grina, motibazioa eta poz kolektiboa, Señorako finalisten sentipenak finalera begira

Bertso grina, norbere buruari gauza berriak egiteko lizentzia ematea, emozioa, poz kolektiboa, saretzea urduritasuna... horiek dira III. Señora Sariketako finalean kantatuko duten sei bertsolariek utzi dituzten sentipen eta helburuetako batzuk. Entzun Maider, hurrenkera honetan, Eli Pagola Apezetxea, Janire Arrizabalaga Munduate, Iruri Altzerreka Martinez, Maddi Ane Txoperena Iribarren, Eli Zaldua Barquin eta Maider Arregi Markuletaren hitzak Bertsoa.eus-en.

Egun osoko egitaraua
III. Señora Sariketako finala larunbatean da Oñatin, 17:00etan. Egun osoko egitaraua prestatu dute ordea: 

13:00 Karropoteoa
14:30 Zuk ein, zuk jan (ekarri etxetik jatekoa eta piknika plaza inguruan)
17:00 FINALA
22:00 Alu Zikinak eta DJ Bines Katiko Gaztetxean

Bertsoa.eus ere Oñatin izango da larunbatean finala jasotzeko.