18:00etan, Idatze Etxean 2023-06-08

Argi Baltza sariketako bigarren kanporaketa igandea Mendatan

Argi Baltza gazte sariketako bigarren kanporaketa jokatuko da igandean Mendatan, Idatze Etxean 18:00etan. Bertsotan, Koldo Muñiz, Koldo Gezuraga, Naroa Torralba, Iker Garitagoitia, Maddi Sarasua eta Ane Zuazubiskar (iazko txapelduna). Irabazlea zuzenean finalera sailkatuko da.

Hirugarren eta azken kanporaketa ekainaren 18an izango da, Ajangizen, udal frontoian: Ibai Amillategi, Lurdes Ondaro, Josu Sanjurjo, Maialen Akizu, Kerman Diaz eta Maddi Agirre.

Finala, ekainak 25, Muxikan
III. Argi Baltza Sariketako finala Muxikan izango da ekainaren 25ean, 18:00etan, Urretxindorra herri eskolan. Kanporaketetako irabazleak eta puntuaziorik altuena lortu dutenak osatuko dute seikotea.