Ane Zuazubiskar Iñarra - Bertsolari bertsozale podkasta 2023-06-09

«Azkenaldian doinu zaharrei jartzen diet belarria»

Ane Zuazubiskar Iñarra (Arrasate, 1997) da aste honetako protagonista Bertsolari Bertsozale podkastean. Arrasateko bertsolariak Karmele Zenarruzabeitia andereñoa eta Patxi Goikolea aipatu ditu nola bertsozaletu zen galdetuta. Hitzetik Hortzera ere ikusten zuen ordurako. Zuazubiskarrek buruz ikasi izan dituen bertsoak, gustuko bertsolariak, doinuak eta gaiak dakartza eta, oro har, bere bertsolaritza esperientziaren lekukotza utzi digu Bertsoa.eus-en.