39. Basarri Bertsopaper Saria 2023-06-14

Basarri Bertsopaper Saria abian da eta ekainaren 21 artekoa da lanak aurkezteko epea

Urtero legez Zarauzko Udalak Basarri Bertsopaper Saria antolatu du, euskara eta bertsogintza sustatzeko helburuz.  Ekainaren 21 arteko epea dute bertso jartzaileek lanak aurkezteko. Gaia librea izaten da eta gutxienez zortzi bertsoko sorta aurkeztu behar du, doinua ere zehaztuta. Bi lan aurkezteko aukera dago. Baldintzak lotura honetan. Epaia uztailaren 4an jakinaraziko da, Andoni Egaña, Nahikari Gabilondo eta Uxue Alkortak ebatzita. Sari-ematea uztailean egingo da, Bertso Astean. Iaz Aner Peritzek irabazi zuen.

1.800 euroko sari bakarra
Basarri Sariak azken ediziotan sari bakarra ematen du 1.800 euro gordinekoa. Gipuzkoako Foru Aldundiak PFEZ zergaz %15 atxikiko du. Beraz, irabazleak 1.530 euro garbi jasoko ditu, Zarauzko Udalak zabaldutako datuen arabera.