Aroa Arrizubieta eta Txaber Altube - Miseriaren adarrak proiektua 2023-07-13

«Ahots desberdinak oholtzaratzea nahi dugu proiektu honen inguruan, argi izanda geuretik kantatu nahi dugula»

Gaurko munduari eta garaiari, ahots desberdinei bide eman eta «geuretik kantatuta» egin nahi du ekarpena Miseriaren adarrak ekimenak. Harrera beroa izan du proiektuak Zaldibian, Zarautzen eta Gernika-Lumon. Ekida Arte Ekimen Sozialista da ekimenaren bultzatzailea eta bertsogintzaren inguruko elementu desberdinez ondu dute emanaldi berria: besteak beste, bat-bateko bertsoak, bere hutsean zein musikatuta, bertso jarriak, tradiziotik ekarriak zein propio sortuak eta tokian tokiko bertsolarien bertsoak emanaldira ekarriak.

Bertsoa.eus-ek Aroa Arrizubieta eta Txaber Altube ekimenaren bultzaileetako biren ahotik jaso du proiektuaren jatorri, helburu eta formatuaren azalpena.