Garazi Navarro Ugarteburu - Lizardi Sariko txapelduna 2023-09-04

«Bertsoa bada niretzat tresna bat esan nahi dudana esateko eta aurrera begira jarraitzeko gogoz nago»

Garazi Navarro Ugarteburu Amorotoko bertsolaria gustura dabil bertsotan eta aurrera begirako gogoz dagoela aitortu du Bertsoa.eus-i eskainitako elkarrizketan. Finalean zentratuta somatu zuen bere burua eta pozik gelditu zen egindako lanarekin. Bertsoa beretzat esan nahi duena esateko modu bat da eta hor bidea egitea nahiko luke. Plazan dituen aukeretan gustura dabilela aitortu zuen amorotoarrak. Hilabete ta erdi barru, Bizkaiko Txapelketan kantatuko du.