Irailaren 22an abiatuko da Ozazen 2023-09-06

Bederatzi talde eta 38 parte hartzaile izango ditu aurtengo Taldekako Xilabak

Taldekako Xilaba irailaren 22an abiatuko da 38 parte hartzailerekin. Horietatik 16 emakumezkoak. Atzo aurkeztu zuen Bertsularien Lagunak Elkarteak 2023ko edizioa «usaiako eta ez hain usaiako bertsolariak elkartzen dituen jostetarako lehia» gisa. «Aurten ere bertsolari zahar eta berriak agertuko zaizkigu kantura, gai ematera edo epaitzera». 2023ko edizioak bederatzi talde izango ditu eta orotara bederatzi saio jokatuko dira. Ligaxka lehenik, bi finalaurreko ondoren, eta finala. Hauxe da egutegia:


Ligaxkako saioak Ozazen, Urruñan, Saran, Amenduze-Eiheran, Hendaian, Baionan (bi saio), Hazparnen eta Alduden izango dira.

Taldeak hiru multzotan banatuta
Bederatzi taldeak hiru multzotan banatuko dira eta elkarren artean jokatuko dituzte ligaxkako saioak. Hona hemen multzo bakoitzeko taldeak. A multzoan, Kakoiak, Hazparke eta Lizaieta ariko dira kantuan. 

B multzoan, Muttikoak, 3 Kasko eta Ipinitzeko bertsuak.

C multzoan, Eskukula, Ez dok 5 eta Zizpa txispa.

Finalaurrekoetako eta finaleko orduak eta lekuak ere argitu ditu antolakuntzak: urriaren 28an, Muskildin, Posonposenean, 19:30etan; azaroaren 4an, Azkainen, kiroletan, 19:00etan.

Finala, Aiherra, azaroaren 18an, 17:00etan, bertso bazkari eta guzti.