Larunbatean 21:00etan ETB1n 2023-09-21

Arrate eta Donostiako bertsoak Hitzetik Hortzeran eta Jagoba Arrasate gonbidatua

Hitzetik Hortzerak Arrateko (Eibar) bertso afariko eta Donostiako Euskal Jaietako jaialdiko on aurkiak emango ditu aste honetan. Jagoba Arrasate futbol entrenatzaile eta bertsotan ibilia izango da asteko gonbidatua, Taxoarretik.

Arrateko bertso afaria irailaren 7an egiten da urtero, Arrateko Amaren bezperan. Bertso afaririk jendetsuena izan da urteetan eta iaztik toki berrian egiten da. Sustrai Colina, Maialen Lujanbio, Jexux Mari Irazu eta Maddalen Arzallus aritu ziren bertsotan, Jon Mikel Mujikaren esanetara.



Donostiako jaialdia ere tradizio handiko bertso ekitaldia da Donostian. Estropada bezperan egiten da Trinitate plazan. Nerea Elustondo, Andoni Egaña, Alaia Martin, Beñat Gaztelumendi, Maialen Lujanbio eta Sustrai Colina aritu ziren kantuan, Maite Berriozabalek gaiak jarrita.



Jagoba Arrasate bertsolari eta bertsozale
2018an iritsi zen Jagoba Arrasate Osasuna futbol taldea zuzentzera. Bertsoarekin harreman estua izan du beti berriatuarrak. Badaki lagunarteko saioren batean oholtza gainean kantatzea zer den eta bere garaipen ospakizunetan bertsoa bota izan du askotan.

Arrasatek Hitzetik Hortzerari aitortu dio bere bertsozaletasuna eta «sasibertsolari» ere aritu izan dela.

Seigarren denboraldia hasi berri du talde gorritxoko entrenatzaile. 2022-2023 denboaldia ahaztezina izan zen Osasunarentzat eta bere jarraitzaileentzat. Espainiako gizonezkoen futbol liga txapelketan emaitza ona lortzeaz gain, Errege Kopako finalera sailkatzea lortu baitzuten eta Europan jokatzeko txartela eskuratu.

Bertsozaletasunaz, bertso-eskolako garaiez, bertsoak entzuteko momentuez edo bertsoak ematen dionaz arituko dira Jagoba Arrasate eta Mirari Martiarena.

Gauzak esateko eta adierazteko modu naturaltzat du bertsoa Arrasatek. Bertsolariekin osatutako hamaikakoa edo berritxuarraren bertsoaldi kuttuna ere ezagutuko diugu aste honetako Hitzetik Hortzeran.

Hitzetik Hortzera, larunbatero, 21:00etan ETB1en.