Ostiraletik igandera 2023-09-21

15 bertso ekitaldi asteburuko agendan

Anitza eta betea dator asteburuko bertso agenda gaurtik igandera bitartean. Jaialdiak, Taldekako Xilaba, Amaraun, bertso otorduak, bertso poteoak, sariketak... bada non aukeratu eta gozatua.

Saio gehienak gaur bertan izango dira: San Migel jaien inguruko jaialdiak Aizarnazabalen eta Oñatin, bertso afariak Zaldibarren eta Iruñean, umeentzako saioa Larrainzarren, Pello Errota Sariketa Berrobin, Amaraun Zarautzen, Bertso poteoa Altzan eta Xilaba Ozazen.

Larunbatean, Derion II. Geuretik Geuretzat bertso munduko bilkuran izango dira bertsoak bazkalaurrean eta ondoren. Iturenen Joaldunen Egunean izango dira bertsoak egun osoz. Azkenik, Urruñan, Taldekako Xilabako ligaxkako saioa. Abetxukon bertso bazkaria.

Igandean, Bilbon eta Mungian izango dira bertso hitzorduak. Jaialdia Bilbon, Zorrotzan, eta bertso poteoa Mungian, Larrauri auzoan.

Agenda osoa hemen