Gurea Antzokian, 12:30etan 2023-09-27

Bertsoderbia larunbatean Amasa-Villabonan

Larunbatean Amasa-Villabonan izango da XXI. Bertsoderbia gizonezkoen ligako Reala eta Athletic-en arteko partiduaren egunean. Sei bertsolari ariko dira kantuan: Oihana Bartra, Andoni Egaña, Aitor Etxebarriazarraga, Oihana Iguaran, Jexux Mari Irazu Muñoa eta Jon Maia, Amaia Agirrek gaiak jarrita. 12:30etan da saioa, Gurea Antzokian.

Doan baina sarrera hartuta
Bertsoderbiko jaialdi doan izaten da baina sarrera hartu behar da. Eskuragarri daude www.bertsosarrerak.eus guneren bitartez.

Bertsoderbia Real Sociedad Fundazioak antolatzen du, Lanku bitartekari dela. Saioak harrera beroa izan ohi du. Iaz, esaterako, Andoainen izan zen eta Bastero erabat bete zen.