Finala asteasun urriaren 20an 2023-10-03

Pello Errota Sariketako finalistak erabakita

Tolosaldean III. Pello Errota Sariketako bigarren kanporaketa jokatu zen Ikaztegietan ostiralean, belaunaldi ezberdinetako sei bertsolari kantuan zirela: Maddi Ane Txoperena, Eki Mateorena, June Aiestaran, Jexux Mari Irazu, Eñaut Martikorena eta Maialen Akizu, Oibar Olanok gaiak jarrita. Herriko ostatuan izan zen saioa afalondoan eta 60 entzule inguru bildu ziren. Eñaut Martikorenak eta Jexux Mari Irazuk lortu zuten finalerako txartela.

Bi kanporaketak jokatuta, urriaren 20an jokatuko den finalerako laukotea erabakita gelditu da: Unai Mendizabal, Iñaki Gurrutxaga, Eñaut Martikorena eta Jexux Mari Irazu ariko dira kantuan, Imanol Artola Felixek gaiak jarrita, Iturriondo jatetxean.