Hernaniko Errugbi Taldea eta Harituzen eskutik 2023-10-04

'Inklusio bultzada' bertso jaialdia Tolosan urrriaren 29an

Inklusio bultzada goiburupean bertso jaialdia egingo da Tolosan urriaren 29an, igandea, Leidor Antzokian, Hernaniko Errugbi Taldea eta Harituzen eskutik. Hernaniko Errugbi Taldeak urteak daramatza errugbi inklusiboa lantzen eta garatzen eta duela gutxi Bikaintasun Saria ere jaso du. Lanketa horren barruan eta inklusioaren gaiari bultzada eman asmoz dator bertso jaialdi hau. Hainbat erakunderen babesa ere badu: Tolosako Udala, Hernaniko Udala, Atzegi, Gautena, Marea Urdina, Uliazpi, Pausoka eta Gipuzkoako Kirol Egokituko Federazioa.

Sei bertsolari ariko dira kantuan: Maialen Lujanbio, Amets Arzallus, Nerea Ibarzabal, Joanes Illarregi, Jexux Mari Irazu eta Beñat Gaztelumendi, Unai Elizasuk gaiak jarrita.

Sarrera 12 euro izango da. Leidorreko ohiko salmenta sisteman daude eskuragarri eta baita karteleko QR kodean ere.