Urriaren 22an, 12:00etan, San Millan elizan 2023-10-04

Energiari buruzko saio tematikoa Zizurkilen

Energia(k) ezbaian izenburupean bertso saio tematikoa antolatu du Gipuzkoako Mendiak Aske taldeak Zizurkilen, urriaren 22rako. Igandea da eta 12:00etan izango da saioa, Elbarrena edo Zizurkil Beheko San Millan Elizan. Maialen Lujanbio, Aitor Bizkarra, Nerea Ibarzabal eta Andoni Egaña ariko dira kantuan, Saroi Jauregik gaiak jarrita.

Energiaren gaiak presentzia dezentekoa du bertso saioetan eta ohiko jaialdietan ez ezik, duela hilabete batzuk beste saio tematiko bat ere egin zen Donostiako Añorga auzoan.