46. Nafarroako Bertsolari Txapelketa 2023-10-07

Sarai Robles irabazle Iruritan

Sarai Roblesek irabazi du Nafarroako Txapelketako lehenbiziko final-laurdena Iruritan, 354 punturekin. Roblesek Altsasuko finalaurrekoan kantatuko du azaroaren 4an. Lehenbiziko final-laurdenean honako sei bertsolariok aritu dira kantuan: Saioa Alkaiza, Eneko Fernandez, Sarai Robles, Idoia Granizo, Ekain Alegre eta Egoitz Gorosterrazu, Maialen Belarrak aurkeztuta. 250 lagun inguru elkartu dira Iruritan. Lan puntuagarriak eginda, hona hemen sailkapena:

Sarai Robles             354 puntu
Saioa Alkaiza            333
Idoia Granizo            328,5
Ekain Alegre             324
Eneko Fernandez      320,5
Egoitz Gorosterrazu  291,5

Datorren asteburuan bi final-laurden jokatuko dira Vianan eta Uharten.

24 bertsolaritik 18 pasako dira hurrengo fasera. Lau saioetako irabazleak, zuzenean. Gainerako 12ak, puntuen baitan.

Finalaurrekoak, Altsasun, Agoitzen eta Lesakan
Nafarroako Txapelketako hiru finalaurrekoak azaroan izango dira Altsasun (azaroak 4, larunbata), Agoitzen (azaroak 11, larunbata) eta Lesakan (azaroak 19, igandea). Finala Iruñean, Anaitasunan, abenduaren 2an, Nafarroaren Egunaren bezperan.

Lan talde zabala

Nafarroako Bertsolari txapelketa antolakuntza talde, epaile talde eta gai-jartzaile talde zabalak izango ditu proiektua aurrera ateratzeko.

Sarrera guztiak eskuragarri
Txapelketako saio guztietako sarrerak eskuragarri daude www.bertsosarrerak.eus atarian