Mixel Etxekopar - Bertsolari Bertsozale podkasta 2023-10-06

«Bertsolaritza informala behar genuke gehiago bultzatu»

Mixel Etxekopar (Gotaine-Irabarne,1963) dugu aste honetako gonbidatua Bertsolari Bertsozale podkastean. Alkhat eta Mendiburu ikusi zituen lehenengoz bertsotan plazan bere herrian. Etxetik datorkio zaletasuna: «biziaren egoera bakoitzerako amak bazuen bertso bat, kopla bat edo ditxo bat». Etxahun Iruriren figura ere azpimarratu du. Ez da bereziki txapelketazalea baina Euskal Herriko finalean sortzen den «komunioa» liluragarri zaio.

Bertsolaritza informalaren garrantzia azpimarratu du Gotaine-Irabarnetarrak eta hori gehiago bultzatu behar litzatekeela uste du. Entzun Mixel Etxekoparren testigantza Bertsolari Bertsozale podkastean.