Bizkaiko Bertsolari txapelketa 2023-10-19

Domekan Erandion, Bizkaiko laugarren kanporaketa

Bizkaiko Bertsolari Txapelketako laugarren kanporaketa jokatuko da domekan Erandion, Merkatu Zaharrean, arratsaldeko 17:00etan. Bertsolari hauek ariko dira saioan:

    Ander Sarriugarte Garcia
    Garazi Navarro Ugarteburu
    Igor Galarza Intxausti
    Imanol Uria Albizuri
    Paule Ixiar Loizaga Legarra
    Unai Mendiburu Valor

Saioaren irabazlea zuzenean sailkatuko da finalaurrekoetara, Santurtzikora (azaroak 18). Gainontzekoek puntuazioaren arabera izango dute horretarako aukera.

Gai-jartzaile Idoia Anzorandia Kareaga ibiliko da. Epaimahaiko kideak, hurrengoak izango dira: Ainhoa Arregi Elosua, Beñat Romero Maguregi, Garazi Mendoza Agirre, Graxi Arregi Leonardo, Iñaki Aurrekoetxea Arkotxa, eta Mirari Azula Aurrekoetxea. Idazkari beharretan Itziar Basterretxea Olarreaga arituko da.

Sarrerak salgai daude www.bertsosarrerak.eus atarian. Sarrerarik geratuko balitz, txarteldegia zabalduko da domekan bertan, 16:00etan, Merkatu Zaharrean.

Behin-behineko sailkapena
Fase honetatik 36tik 11 bertsolari sailkatuko dira finalaurrekora: sei saio irabazleak eta bost puntuaziorik onenak.