Zutabea 2023-10-20

"Neutroz mozorrotu daiteke, baina gai batek beti intentzio bat ukanen du, bortxaz"

"Neutroz mozorrotu daiteke, baina gai batek beti intentzio bat ukanen du, bortxaz"

Xalbat Alzugaray

Leire, inspirazioa eguneroko gertakarietan edo ohituretan atzeman daiteke. Erranen nuke gai-jartzailearen zeregin nagusia dela gertakari hori gai bihurtzea. Bistan da, anitzetan, gure bizipenak eta hurbilen dugun errealitatea oholtzara eramaten dugula. Gai-jartzaileon lana "erraza" dela ere aditu izan dut usu. Ibilbide xume eta laburretik natorkizu baina zin dagizut gure lana papera irakurtzea baino anitzez gehiago dela. Gaiak zeri buruz eta nori ematen ditugun jakitea arras garrantzitsua iruditzen zait. Helburu horiekin inertzia batzuk aldatzeko lagungarri izan daiteke gaia bera.

Gai zehatz batekin entzulea irriz lehertzea nahi genuke, bertsolariari gaian sakontzeko hautua eman edo ariketa berriak txertatzeko balio digu gaitegiak. Ideia bat ez delako deus intentziorik gabe. Intentzioa gehitzen diogularik ideiari, gai bilakatzen da. Orduan, gaia ez da neutroa izaten ahal. Neutroz mozorrotu daiteke, baina gai batek beti intentzio bat ukanen du, bortxaz. Gaia arrakastatsua izan dadin, bere formulazioa eta nabarmendu nahi dugunari garrantzia nola eman jakitea da gakoa. Saioaren lekua, bertsolariak nor diren eta zer motatako entzulea izanen dugun beharrezkoa da kontutan hartzea, saioak arrakasta izan dezan. Batzuetan lortzen dugu; bertze batzuetan ez.

Gai-jartzailea taldearen parte da. Taldea da bertsolariek eta gai-jartzaileak osatzen duten oholtzako pertsona multzoa. Bertsolariekin ditugun harremanek lagun dezakete saioaren doinua bideratzen. Haiek ez badira ongi senditzen, gu ere ez. Eta gu ez bagara ongi senditzen, haiek ere ez. Mintza gaitezen, talde gisa ditugun kezkez, sentsazioez eta gai batzuek eragin dezaketen minez…

Bukatzeko, otoi, taldearen parte garenez, ez ahantzi gai-jartzaileon izenak saioen afixetan!

Maite, hiri hitza, nolakoa dun bertsolari izatea Deustun? Zer harreman mota izaten dun bertsolaritzarekin?

Albiste gehiago

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»